PIERRE HAMON, natif de Bloys, secretaire de la chambre du Roy. Cettui-cy estoit le plus renommé de France, voire de l'Europe, pour la perfection qu'il avoit d'escrire en toutes sortes de lettres. Il a fait imprimer plusieurs alphabets ou livres d'Exemples, reduits par ordre d'A b c, lesquels ont esté gravez en taille douce, & imprimez à Paris tant chez Lucas Breyer que autres l'an 1567. Il a fait la description des Gaules en 12. Cartes, escrites de sa main sur parchemin, lesquelles il presenta à Monsieur le ReverendissimeCharlesCardinal de Lorraine. Elles ne sont encores imprimees. Il fut en fin repris de Justice, & condamné à estre pendu & estranglé. Ce qui fut executé à Paris en la place de S. Iean en Greve l'an 1569. le Lundy septiesme jour du mois de Mars.