TANNEQUIN FREMILLON, Chirurgien de la ville de Nismes en Languedoc l'an 1580. Je n'ay point veu de ses escrits imprimez, toutesfois Jaques Veyras fait mention de luy en son traicté de la curation ou guerison des playes d'arquebusade.

TANNEQUIN GUILLEMET, Chirurgien ordinaire du Roy de Navarre l'an 1581. & maistre juré en la ville de Nismes en Languedoc. Il a escrit une refutation responsive au traicté de Jaques Veyras, touchant la curation des playes des arquebusades, imprimee avec le traicté dudit Veyras. Je ne sçay si ces deux susdits, Fremillon & Guillemet, ne sont qu'un, à cause qu'ils s'appellent tous deux de ce premier nom de Tannequin, & que leurs qualitez sont semblables &c. & ayans escrit mesmes choses en mesme temps.