JAQUES MILET Parisien, ancien Poëte François. Il a escrit en vers ou rithme Françoise la description de Troye la grande, nous l'avons par devers nous escrite à la main. L'autheur d'jcelle estoit escholier estudiant aux loix en l'université d'Orleans l'an 1450. Il faut noter que ce livre a esté imprimé à Lyon l'an 1545. ou enuiron, & que celuy qui l'a mis en lumiere asseure que ç'a esté Jean de Meun (dit Clopinel) qui l'a composé, en quoy il se trompe, car j'en ay veu plus d'unedouzaine d'exemplaires escrits à la main, en tous lesquels se list le nom dudit Jaques Milet, & peut estre celuy là qui a fait imprimer ledit livre s'est abusé à ces deux lettres abbregees J. M. pensant que ce fust Jean de Meun.