NESSON ancien Poëte François, voy cy apres Pierre Nesson, à la lettre de P.

PIERRE DE NESSON ancien Poëte François, oncle de Madame Janette femme bien docte en Poësie. Il a escrit plusieurs oeuvres en poësie & rithme Françoise, entre lesquelles se voit l'Oraison qu'il a faite à la vierge Marie, laquelle est imprimee avec le Calendier des Bergers, de la premiere edition. Geufroy Thory de Bourges fait mention de luy en son Champ-Fleury, & encores Jean Bouchet en son jugement Poëtiq. Il a escrit en vers François, l'Hommage fait à nostre Dame, laquelle composition nous avons par devers nous escrite à la main, & se commence ainsi, Ma douce nourrice pucelle, Qui de vostre tendre mamelle, &c.