B. L. JEAN TALPIN natif de Coutances, ou Constances en Normandie, docteur & Chanoine Theologal à Perigueux l'an 1570. Il a escrit une remonstrance aux Chrestiens qui sont separez de l'Eglise Romaine, par opinion qu'ils ont qu'elle n'est point la vraye Eglise, imprimee à Paris chez Nicolas Chesneau l'an 1567. Traicté des ordres & dignitez de l'Eglise, avec l'interpretation des ceremonies & offices de tous les Estats Ecclesiastiques, la où est declaree toute la forme que l'Evesque garde quand il les ordonne, imprimé à Paris chez Chesneau l'an 1567. La Police Chrestienne, imprimee chez ledit Chesneau l'an 1568. L'Examen & resolution de la verité, & de la vraye Eglise, imprimé chez Chesneau, l'an 1567. Accord des difficultez de la Messe, imprimé à Paris chez Chesneau, l'an 1565. & depuis imprimé l'an 1568. avec augmentations dudit Talpin. Advertissement au Chrestien pour ne tomber en heresie, imprimé par Chesneau l'an 1567. Conseil au Chrestien, imprimé in 4. 1565. Resolution de la Messe, imprimee l'an 1565. & depuis augmentee & imprimee l'an 1568. Instruction des Curez & Vicaires, imprimee 1567. par Chesneau. Institution du Prince Chrestien, imprimee 1567. par Chesneau. Instruction pour se preparer à la Communion, imprimee 1568. par Chesneau. Marques pour cognoistre les Ministres, imprimees 1568. par Chesneau. De la sacrificative de l'Eglise, ou nouveau Testament, imprimé l'an 1568. le tout chez N. Chesneau à Paris. Il en peult avoir escrit plusieurs autres, mais je n'en ay pas cognoissance. Il florissoit l'an 1570. Je ne sçay s'il est encores vivant.