B. L. SIMON VIGOR, natif du pays de Normandie, Docteur en Theologie à Paris, predicateur du Roy, & chanoine Theologal en l'Eglise de nostre Dame à Paris & depuis Archevesque de Narbonne, &c. Il a escrit & composé en François l'oraison funebre qu'il prononça aux obseques & funerailles de Madame Elizabeth de France, Royne d'Espagne, imprimee à Paris chez Claude Fremy l'an 1568. laditte oraison fut prononcee par ledit Vigor en l'eglise de nostre Dame à Paris le 25. jour d'Octobre l'an 1568. Il florissoit soubs le regne du Roy Charles 9. audit an 1568. Il a escrit plusieurs oeuvres en Latin, mais nous en ferons mention autre part.