B. L. ROC LE BAILLY, ou BAILLIF, sieur de la Riviere, natif de la ville de Falaise en Normandie, Conseiller & Medecin ordinaire du Roy & de monsieur le Duc de Mercoeur, ou Mercure (pour parler selon le vulgaire.) Ce sieur de la Riviere est homme for grand Philosophe naturel, & curieux des secrets cachez en icelle. Il a mis en lumiere un sien livre, intitulé Le Demosterion, contenant 300. aphorismes Latins & François. Ce livre est comme un sommaire de la medecine Paracesique, imprimé à Rennes en Bretagne l'an 1578. par Pierre le Bret in 4. & contient 25. fueilles. Traicté de l'antiquité & singularitez de la Bretagne Armorique, imprimé audit an, avec le livre susdit. Traicté du remede contre la peste, charbon & pleuresie, imprimé à Paris par Abel l'Angelier l'an 1580. Discours sur la vraye signification du Comete apparu en Occident au signe du Sagittaire le 10. de Novembre l'an 1577. imprimé à Rennes audit an par Julien du Clos. Premier traicté de l'homme & son essentielle Anatomie, avec les Elements, & ce qui est en eux, de ses maladies, medecine & absoluz remedes és taintures d'or, corail & antimoine, & magistere des perles de leur extraction, imprimé à Paris par Abel l'Angelier l'an 1580. in 8. & contient 7. fueilles. Second traicté de l'homme, auquel il traicte amplement de son mouvement. Il n'est encores imprimé. Le livre de l'art signé, contenant les signes & marques donnees (non en vain) par la nature à toutes sortes ou especes d'herbes, arbres, plantes, pierres & autres choses semblables, avec les figures ou protraicts desdites choses. Ce livre n'est pas encores imprimé. Il en fait mention en son traicté de la peste fol. 3. pag. 6. Sommaire defense aux demandes, questions & interrogatoires des docteurs de la faculté de medecine à Paris, faites audit sieur de la Riviere, imprimee l'an 1579. à Paris, qui est une response ou discours imprimé contre luy audit an 1579. à Paris chez Pierre l'Huillier. Je n'ay point cognoissance de ses autres escrits ou compositions Françoises. Ledit sieur a esté for long temps medecin de Monsieur le Prince de Leon, Messire Henry, Viconte de Rohan. Il florist en Bretagne l'an 1584.