B. L. OMER TALON, natif du pays de Vermandois en Picardie, lequel s'appelle en Latin Audomarus Taleus, homme for docte & grand Orateur, tresgrand amy & familier de Pierre de la Ramee, dit Ramus, lequel l'appelloit ordinairement son frere, comme lon voit en ses oeuvres. Il a beaucoup escrit en Latin, & en François aussi: mais je n'ay pas veu ses compositions Françoises. Sa rhetorique Latine a esté traduite & imitee par Antoine Fouquelin Vermandois, qui estoit le pays des trois susdits personnages. Ledit Omer Talon mourut à Paris en l'an 1562.