B. L. NICOLAS DVRAND surnomméVillegagnon, vice-admirai de Bretagne & chevalier de Malthe, ou de l'ordre de S. Iean de Hierusalem, l'an 1557. natif de Provins en Brie pres la Comté de Champagne. Il a escrit une response aux libelles & injures publiees contre luy, imprimee à Paris chez André Wechel l'an 1561. Traicté de la guerre de Malthe, & de l'issuë d'icelle, faussement imputee aux François, imprimé à Paris par Charles Estienne l'an 1553. Il a escrit plusieurs oeuvres en Latin dont nous ferons mention dans nostre Bibliotheque Latine. Il florissoit en l'an 1557. soubs Henry 2. du temps duquel il feit le voyage és terres neufves: plusieurs ont escrit sa vie, & entre autres un nommé Richier, &c.

B. L. NICOLE DVRAND surnommé Villegagnon, Voy cy dessus Nicolas Durand.

B. L. Messire NICOLAS DVRAND surnommé le Chevalier de Villegagnon natif de Provins en Brie (comme nous avons dit cy dessus.) Il a escrit outre les oeuvres que nous avons ja racomptees de luy, le voyage & expediton de Charles le Quint Empereur des Romains, &c. contre la ville d'Argiere en Afrique, escrite premierement en Latin par luy, depuis traduite en François par le mesme autheur, imprimee à Paris l'an 1542. par Benoist de Gourmont.