B. L. JEAN PAPON, natif de Mont-brison au pays de Forests, & Lieutenant general pour le Roy audit lieu l'an 1554. auparavant Conseiller de sa Majesté au parlement de Paris, homme for bien versé en droict & autres sciences. Il a recueilly plusieurs arrests notables, donnez és souveraines cours & Parlements du Royaume de France, imprimez à Lyon & depuis à Paris chez Chesneau l'an 1565. & encores cette annee 1584. chez Robert le Mangnier, avecques plusieurs additions de Nicolas Bergeron, Advocat au Parlement de Paris &c. Les trois Notaires dudit Papon, imprimez en divers volumes à Paris & autres lieux. Il a traduit quelques Philippiques de Demosthene & de Ciceron, imprimees à Lyon l'an 1554. chez Maurice Roy, & Loys Pesnot. Il florissoit en son pays de Forests, exerceant l'estat de Juge audit lieu l'an 1582. Je ne sçay s'il est encores vivant.