B. L. JOACHIN PERION Tourengeau, Docteur en Theologie à Paris, & religieux audit pays de Touraine, en l'Abbaye de Cormery, de l'ordre de S. Benoist. Il estoit estimé entre les plus grands Philosophes & des mieux versez en Grec, qui fussent de son temps, comme il l'a bien monstré par ses dialogues de l'origine de la langue Françoise, ensemble de sa conformité avec la langue grecque, le tout reduit en quatre livres, imprimez à Paris l'an 1554. chez Sebastien Nivelle, en langue Latine: mais pource qu'ils traictent de la langue Françoise, j'en ay fait mention. Il florissoit soubs Henry 2. l'an 1554. Je parleray de ses escrits Latins autre-part.