MARGUERITE D'AVSTRICHE, appellee par aucuns Marguerite de Flandres, fille unique de l'Empereur Maximilian, &c. femme de Philebert Duc de Savoye. Elle a escrit tant en prose qu'en vers François, plusieurs oeuvres, & entre autres le Discours de ses infortunes, & de sa vie. Jean le Maire de Belges a escrit un livre de ses loüanges, lequel il a intitulé La Coronne Marguaritique, imprimé l'an 1549. à Lyon chez Jean de Tournes. Elle mourut l'an 1532. Cette dame avoit esté premierement accordee par mariage au defunct Roy de France Charles 8. & depuis fut mariee au Duc de Savoye susdit. Elle a composé un plaisant Epitaphe d'elle mesme qui est tel. Cy gist Margot, la gente Damoiselle, Qu'a deux mariz, & encore est pucelle.