JEAN DE BILLY, Abbé de nostre Dame des Chasteliers. Il a traduit de Latin en François, le traicté des sectes & heresies de nostre temps, pour cognoistre leur origine & fruicts qui en sont issus, avec la confession & contradiction, de la doctrine des nouveaux Evangelistes de ce temps, imprimé à Paris chez Nicolas Chesneau l'an 1561.

JEAN DE BILLY, Chartreux de l'Abbaye de Belle-fonteine. Il a traduit de Latin en François, le miroir spirituel de Loys de Blois, Abbé de Liesses &c. Il y a unJean de Billy, frere de Jaques de Billy, Abbé de S. Michel en l'Her, pres la Rochelle (duquel nous avons parlé cy dessus) je ne sçay lequel de ces deux de ce nom de Iean, est son frere, pour ne m'en estre peu informer plus avant: si sçay-je bien que l'un des deux est issu de la noble maison de Billy, sieurs de Prunay au Perche, & de Couruile en Beaulse, pres la ville de Chartres.