B. L.Messire BERNABÉ BRISSON, Chevaliersieur de Gravelle, natif de Poictou, premierement Advocat du Roy, & maintenant Conseiller de son Privé conseil d'estat, & President au Parlement de Paris, &c. homme des plus doctes de notre temps & des plus eloquens. Il a escrit plusieurs oeuvres tres-doctes & infiniment penibles, tant en Latin qu'en François, & entre autres les oraisons qu'il a prononcees en la Cour, & les doctes plaidoyez, tant lors qu'il estoit Advocat du Roy, qu'autrement. Je feray mention de ses compositions Latines autre part. Il florist à Paris cette annee 1584.