B. L. GUILLAUME DE NANGY, OU DE NANGIS en Brie, dit de Nangiaco, religieux en l'Abbaye de S. Denis pres Paris. Il a escrit en prose Françoise, les Annales & Chroniques de France, non encores imprimees, elle se voyent en plusieurs Bibliotheques de ce Royaume, & entre autres en ladite Abbaye de S. Denis. Il a traduit de Latin en François, & recueilly des Chroniques ou Annales de son Abbaye de S. Denis, la genealogie des Rois de France, jusques en l'an de salut 1285. nous avons ce livre par devers nous. Il a escrit la vie du Roy Sainct Loys, soubs lequel il florissoit, en l'an 1227. Nous l'avons par devers nous escrite à la main, sur parchemin. Je ne sçay s'il en est autheur, ou bien le Syre de Ionuille, &c. car il n'y a point de nom de l'autheur d'icelle.