B. L. PIERRE CARPENTIER Jurisconsul de Tolose, (autre que Jaques Charpentier natif de Beauvais en Picardie, &c. voy cy apes Pierre Charpentier.

B. L. PIERRE CHARPENTIER natif de Tolose, Advocat du Roy au grand Conseil, homme tresdocte & for grand Jurisconsul. Il a escrit plusieurs livres tant en Latin qu'en François, lesquels ont esté imprimez pour la plus part: mais je ne sçay si ceux qui sont mis en son nom, il les vouldroit advoüer pour siens, d'autant qu'il y en a plusieurs, qui luy ont mis assus des livres desquels il n'estoit pas autheur. La lettre addressee à François Portes Candiois, a esté imprimee soubs le nom dudit Charpentier, ensemble autres pareilles choses imprimees l'an 1572. tant en Latin qu'en François. Il florist à Paris cette annee 1584. Je feray mention de ses escrits Latins autre-part, ensemble de Jacques Charpentier, de Beauvais en Picardie. J'ay veu un sien traicté Latin touchant le port des armes, mais je ne sçay si la traduction Françoise est faite par luy. Il a esté imprimé à Paris en l'une & l'autre langue.