B. L. NICOLAS FILEVL natif de la ville de Roüen en Normandie, lequel s'appelle en Latin Nicolaus Fillellius Quercetanus, &c. & duquel la deuise est Fatis contraria fata rependens, &c. homme for docte & tresexcellent Poëte Latin & François. Il a escrit en vers alexandrins, un Poëme François, qu'il intitule les Theatres de Gaillon en Normandie, imprimé à Roüen l'an 1566. par Georges Loiselet. La Tragedie d'Achille, laquelle il fist representer & jouër publiquement au college de Harcour à Paris, le 21. jour de Decembre l'an 1563. imprimee à Paris chez Thomas Ricard audit an 1563. in 4. & contient huict fueilles. La Coronne de Henry le victorieux Roy de Polongne, imprimee à Paris chez Gabriel Buon l'an 1573. in 4. & contient 6. fueilles. Il a escrit plusieurs autres Tragedies, & Comedies Latines & Françoises, lesquelles ne sont en lumiere. Il florissoit à Paris au college de Harcour l'an 1563. Je ne sçay s'il est encores en vie.