GUILLAUME CRETIN Poëte François & historien, Secretaire & Chroniqueur du roy de France Loys 12. Thresorier de la chapelle du Bois de Vincennes, ou Vie-saine pres Paris, Chantre & Chanoine de la saincte Chapelle du Palais royal de Paris. Il a escrit en vers François les Annales & Chroniques de France divisees en quatre parties, nous les avons escrites à la main en nostre Bibliotheque, elles n'ont esté imprimees que j'aye peu voir. Il a escrit en vers & rithme Françoise le debat de deux Dames sur le passetemps de la chasse des chiens & oyseaux, Le loyer des folles amours, le tout imprimé à Paris l'an 1528. Chants Royaux à l'honneur de la Vierge. Il florissoit à Paris du temps du Roy Loys 12. l'an 1500.