B. L. JEAN CARRIER OU CHARRIER natif d'Apt en Provence, Advocat du Roy au Parlement d'Aix en Provence, jadis secretaire de Monsieur Bertrand Conseiller du Roy en son privé Conseil, & President en sa Cour de Parlement à Paris, &c. Il a traduit de Latin en François les cinq livres de Gaspard Contaren ou Contarin gentilhomme Venitien, touchant les Magistrats & Republique des Venitiens, imprimez à Paris par Galiot du Pré, l'an 1544. Il a traduit d'Italien en François le discours de Nicolas Machiavel Florentin, traictant de l'art Militaire, ou de la Guerre. Il a escrit un discours, de son voyage en Angleterre fait pour le Roy, non encores imprimé. Il a escrit plusieurs vers tant en Latin qu'en François. Il florissoit audit an 1544. Voy cy apres Jean Charrier.

JEAN CHARRIER OU DE CARRIER natif d'Apt en Provence: nous avons parlé de luy cy dessus, & suyvant l'ordre d'A, B, C, ou alphabetiq, se verra son nom ainsi escrit Jean Carrier, &c.