ROBERT CHEVALLIER, surnommé D'AGNEAVX, frere d'Antoine Chevallier (duquel nous avons parlé cy dessus) tous deux hommes tres-doctes, & for excellens pour leur traductions des Poëtes &c. natifs de Vire en Normandie. Ils ont traduit les oeuvres de Virgile, Prince des Poëtes Latins, imprimez à Paris chez Thomas Périer & Guillaume Auuray l'an 1582. & encores depuis, avec le Latin à costé. J'ay entendu qu'ils traduisent maintenant les oeuvres du sententieux Horace, & encores m'a lon asseuré qu'ils font un oeuvre, intitulé Le Gentilhomme François, lequel traicte du devoir & office d'un homme noble, & suyvant les cours des Rois & Princes &c. Il n'est encores en lumiere. Ils florissent en leur pays de Normandie cette annee 1584. & ne cessent de travailler pour illustrer nostre langue, & profiter à tous en general.