Frere JEAN GOLAIN Normand, de l'ordre de nostre Dame du Carme, Prieur du Convent de Roüen, docteur en Theologie en l'Université de Paris l'an 1372. Provincial de France &c. Il a traduit de Latin en François à la requeste de Charles 5. Roy de France, un livre Latin, intitulé le Rational des divins offices, ou ceremonies de l'Eglise des Catholiques &c. composé par Guillaume Durand, Evesque de Mande l'an 1286. imprimé à Paris l'an 1503. chez Antoine Verard. Ce livre contient 8. parties, & ledit Golain n'en a traduit que sept. Il laisse la huictiesme à traduire aux Astronomes. Il a traduit de Latin en François, les Collations des saincts peres anciens, traduites premierement de Grec en Latin par Cassiodore, imprimees à Paris chez Antoine Verard. Il florissoit du temps de Charles 5. Roy de France l'an 1373.