B. L.Messire CHRESTOFLE DE THOU, Chevalier seigneur de Chely, premier President de Paris, Conseiller du Roy en son conseil Privé & d'Estat, &c. Ce seigneur estoit doüé d'une singuliere memoire, & avoit une exacte cognoissance du droict, tellement qu'il n'est pas à croire qu'en un si long-temps qu'il a vescu, qu'il n'eust mis par escrit quelques memoires touchant sa profession, lesquels seront peut estre mis un jour en lumiere par ceux qui voudront tant de bien au public que de l'en faire participant, ensemble de tant d'Arrests notables prononcez par luy en divers Parlemens. Il mourut à Paris en sa maison, le jour & feste de Toussaints premier de Novembre l'an 1582. agé de 74. ans, au grand regret de tous hommes doctes & gens de bien.