B. L. RICHARD ROVSSAT, docteur en medecine en l'Université de Montpellier, Chanoine de Langres, & natif de ladite ville, homme for docte, & sur tout grand Theologien, Philosophe & Mathematicien (outre la cognoissance qu'il avoit en la Medecine.) Il a escrit & composé en nostre langue Françoise, le livre de l'estat & mutation des temps, prouvant par l'authorité de l'escriture saincte, & par raisons astrologales, la fin du monde estre prochaine, le tout divisé en quatre livres, imprimez à Lyon chez Guillaume Rouville l'an 1550. J'ay veu plusieurs Almanachs & Prognostications, imprimees soubs le nom dudit Richard Roussat, pour l'an 1548. 1549. & 1552. mais je ne sçay si c'est le susdit Chanoine de Langres, qui en est l'autheur. Il florissoit à Langres l'an 1548. Le sieur de Frigeuille a escrit une chronologie, laquelle n'est pas beaucoup dissemblable du subject pris par ledit Roussat, en son livre de la mutation des temps.