B. L. CAMILE DE MOREL, Damoiselle Parisienne, fille aisnee de Jean de Morel G. Provençal, & d'Antoinette de Loynes Parisienne, de laquelle nous avons parlé cy dessus. Cette Damoiselle a esté si bien instruite, par les plus sçavants hommes de France, & autres lieux, qu'elle s'est rendue admirable à tout nostre siecle, pour estre des plus doctes Damoiselles de France, soit en Grec, Latin, François, Italien, Espagnol, & autres langues estrangeres, elle n'a encores mis ses doctes Poëmes en lumiere, sinon quelques vers sur le trespas de son pere, imprimez à Paris chez Federic Morel l'an 1583. & autres sur la mort du Roy Henry deuxiesme. Elle florist à Paris cette annee 1584.